የተወዳጁ ነቢይ (ሰ.ዐ.ወ.) ፈገግታዎች

105.00 Br

አዘጋጅ – ሙሐመድ ዐሊ ዑሥማን

ትርጉም – አሕመድ ሑሴን (አቡ ቢላል)

አሳታሚ፡ ነጃሺ ማተሚያ ቤት ኃ/የተ/የግ/ማኅበር

 

ይዘት፡

መጽሐፉ የአላህ መልዕክተኛ (ሰ.ዐ.ወ.) ፈገግ ያሉባቸውን የተለያዩ ሁኔታዎች፣ ክስተቶች፣ ገጠመኞች፣ የሰዎች አነጋገሮችንና ሌሎችንም እየተከታተለ ያስቃኘናል፡፡ ተወዳጁ ነቢይ (ሰ.ዐ.ወ.) በተለይ ከሶሓቦቻቸው ጋር ምን ያህል ተግባቢ፣ ተጫዋችና በነርሱ ውስጥም ደስታን ለመፍጠር ምን ያህል ይጥሩ እንደነበርም እናይበታለን፡፡ ከልጅም ሆነ ከአዋቂ ጋር እንዴት ይቀራረቡ እንደነበርም ትምህርት እንወስድበታለን፡፡ በዚህ መጽሐፍ ውስጥ ነቢዩ (ሰ.ዐ.ወ.) ፈገግ ባሉ ቁጥር አብረን ፈገግ መሰኘታችን አይቀሬ ነው፡፡ ሐቢቢ ፈገግ ሲሉ አብረን  ፈገግ እንላለን!!

 

ከመጽሐፉ በጥቂቱ፡

ዓኢሻ (ረ.ዐ.) ባወሩት ሐዲስ ነቢዩ (ሰ.ዐ.ወ) ከተቡክ ወይም ከኸይበር ዘመቻ እንደተመለሱ ወደ ቤት ሲገቡ ግርዶዋን ነፋስ በኃይል ሲገልበው በመደርደሪያዋ ላይ የመጫወቻ አሻንጉሊቶቿ ተጋለጡ፡፡ ይህን ያስተዋሉት ነቢዩ (ሰ.ዐ.ወ) ዓኢሻ ሆይ! እነዚህ ምንድን ናቸው;” አሏት፡፡ እርሷም “አሻንጉሊቶቼ ናቸው” በማለት መልስ ሰጠች፡፡ ከአሻንጉሊቶቹ ውስጥ ከጨርቅ የተሰፋና ሁለት ክንፎች ያሉት ፈረስ ያዩት ነቢዩ  (ሰ.ዐ.ወ.)“ይህ ከመካከላቸው የምመለከተው ምንድን ነው?” በማለት ጠየቋት፡፡ `ፈረስ ነው” አለች፡፡ `እነዚያ ነገሮች ታዲያ ምንድን ናቸው;” አሏት ከጐንና ከጐኑ ያሉትን ቅጥያዎች እያስተዋሉ፡፡ “ሁለት ክንፎች” በማለት መለሰች፡፡ `ሁለት ክንፎች ያሉት ፈረስ;’’ አሉ ነቢዩ (ሰ.ዐ.ወ.)፡፡ `ነቢዩ ሱለይማን ሁለት ክንፍ ያለው ፈረስ እንደነበራቸው አያውቁምን;” በማለት ዓኢሻ ጥያቄያቸውን በጥያቄ መለሰች፡፡ በዚህ ጊዜ ነቢየ (ሰ.ዐ.ወ) የክራንቻ ጥርሶቻቸው እስኪታዩ ድረስ ፈገግ አሉ፡፡

 

ያንብቡት

ነጃሺ ማተሚያ  ቤት

የእውቀት ማዕድ!!!

************

 

 

SKU: T010 Category: